The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe Dawn [Al-Fajr] - Moore translation - Rowwad Translation Center
Surah The Dawn [Al-Fajr] Ayah 30 Location Maccah Number 89
M wẽen ne fagiri
La M wẽen ne yʋnd piigã,
La ne sõd-yiibu la lugum (sõd-yiib-n-tõatga).
La ne yʋngã t'a sã n wa gũd kuidga.
Rẽ yĩnga yεl nins sẽn togsã, wẽeneg bee be n sek yam soab bɩ?
Fo pa yã wãn-wãn la fo Soabã maan a ʿAad rãmba?
ɭram rãmb sẽn yaa zeng-raad rãmba,
B sẽn pa naan b bilgr tẽmsã pʋga?
La Ṯamuud rãmb sẽn yaa neb nins sẽn pees pĩigã ko-soogẽ wã?
La a Fɩr-ʿaoon sẽn yaa bay soabã?
Sẽn maan-b n zʋʋg tẽmsã pʋga.
N wʋsg sãang a pʋgẽ.
Tɩ b Soabã kiig b zug naong kõbg toor-toore.
Ad fo Soabã yaa gũusda.
La sã n yaa ne ninsaala, a Soabã sã n wa zarb-a n na n gese, n waoog-a, n neem-a, la a sẽn yete: "mam Soabã waooga maam".
La A sã n wa zarb-a, n weoog a rɩtlã a zugu, la a sẽn yete: "mam Soabã yaala maam".
Pa woto ye! Y pa waoogd kɩɩb ye.
Y leb n pa pirsd taab ne ninbãan-neb rɩlgr ye.
La y rɩt faadã ne kãas-n-rɩ.
La y nong arzεkã nong-kεgenga.
Pa woto ye! Lɑk Tẽn-gãngã sã n wa rãmb rãmbg tεkẽ.
Tɩ fo Soabã wa, la malεgsã, rulg-rulga.
Tɩ b wa ne Gεhannem bɑ-rɑɑrã; ra-kãng raare ninsaal tẽegdame, la tẽegr bεε ne-a?
A yetame: "kɑeto, Mam sã n da maana neer tɩ reng taoore mam beoog vɩɩmã yĩnga, pɑ são".
La ra-kãngã, ned pa namsd wala A namsgã buud ye.
Ned bɑ ɑ yembr me pa sẽbd wala A sẽbrã ye.
Yaa foo yõor sẽn tar bas-m-yam lɑ yĩn-yõgnego!
Leb f Soabã nengẽ, tɩ f yaa sẽn yɑr-A n yɑɑ b sẽn yard-a soaba.
Bɩ f kẽ Mam yemb-sõmsã pʋgẽ.
La f kẽ Mam Arzãnã.