The Noble Qur'an Encyclopedia
Towards providing reliable exegeses and translations of the meanings of the Noble Qur'an in the world languagesThe City [Al-Balad] - Moore translation - Rowwad Translation Center
Surah The City [Al-Balad] Ayah 20 Location Maccah Number 90
M na wẽend ne tẽn-kãngã!
Lɑ sɑkdɑ ne foo f sẽn mɑɑn fãɑ tẽn-kãngã.
La M wẽen ne roagda, la a sẽn rog bũmb ningã.
Sɩd la hakɩɩka D naana ninsaal t'a be yaams pʋgẽ.
A tẽedame tɩ ned ba a yembr pa tõe-a ye.
A yetame:"M halka arzεk wʋsgo"
A tẽedame tɩ ned ba a yembr pa ne-a ye.
Tõnd pa maan nin a yiib n kõ-a sɩdɑ?
La zɩlemd la no-bɩt a yiibu?
La M kãndg-a soy a yiibã?
A pɑ nɑ n gãndg gidrã (so-toogã) n pɑɑm n tɑ Arzẽnɑ.
La bõe n wilgd foo bõe la gidr gãndgre.
Yaa yamb lodg n bas burkĩndi.
Ma rɩlgre, kom raare.
Kɩɩb sẽn yaa rog-pẽta.
Ma nimbãan-ned (mɩskɩɩn) sẽn yaa tom-vũnumda.
Rẽ poorẽ a yɩɩme n be neb nins sẽn kõt sɩdã pʋgẽ, la b sagl taab ne sugri, la b sagl taab ne yolsgo.
Bãmb rãmb la Rɩtg rãmba.
La neb nins sẽn kɩɩs-b Tõnd tagmas-rãmbã, bãmb la goabgã rãmba.
Bug võgends n be b zugẽ.